Sila નો વિચાર

અત્યાર સુધીની અને ભવિષ્યમાં આવનારી દરેક મહાન કંપની કમ્યુનિકેશન પર ચાલે છે. કંપનીઓ જેના પર ઊભી થાય છે તે આખો પાયો આ જ છે. પણ વાતચીત માટે આપણે જે ટૂલ્સ વાપરીએ છીએ તે એક દાયકાથી પણ જૂના છે, એવી દુનિયા માટે બનેલા જે હવે અસ્તિત્વમાં જ નથી.

60% કર્મચારીઓ કહે છે કે તેમના કમ્યુનિકેશન ટૂલ્સ તેમને બોજ હેઠળ દબાયેલા હોવાનો અનુભવ કરાવે છે. ક્યારેય ન પૂરા થતાં નોટિફિકેશન. સતત એક કામથી બીજા કામ પર કૂદકા. દેખાડાની વ્યસ્તતા, જેને પ્રગતિ સમજી લેવાય છે. જેને અમે “દેખાડાનું કામ” કહીએ છીએ. કામની ગતિ વધી જવાથી AI એ આને વધુ ખરાબ બનાવ્યું છે.

ઇતિહાસમાં જોઈએ તો આવા જ બદલાવ દેખાય છે: ઇમેઇલ કામ કરતું હતું. પછી ટીમોની સાથે મળીને કામ કરવાની રીત બદલાઈ અને Slack વાયરલ થઈ ગયું. ઇમેઇલ ત્યારે પણ કામ કરતું હતું અને તેનો ઉપયોગ ખતમ થયો ન હતો, પણ દુનિયા અને કંપનીઓની વાતચીત કરવાની અને કામ કરવાની રીત બદલાઈ ચૂકી હતી. આપણે ફરી એ જ ક્ષણે ઊભા છીએ.

AI કામ કરવાની રીતને મૂળથી બદલી રહ્યું છે: કમ્યુનિકેશનનું પ્રમાણ બેફામ વધી રહ્યું છે, ગતિ અટકવાનું નામ નથી લેતી, અને આખી સંસ્થામાં સંકલન સાધવું એ દરેક કંપનીનો સૌથી મોટો પડકાર બની ગયો છે. ટૂલ્સ પાછળ રહી ગયા છે. આ દુનિયા માટે કોઈએ શરૂઆતથી કંઈ નવું બનાવ્યું નથી. અત્યાર સુધી.

Sila એ ટીમ અને AI ના સહયોગ માટે મેસેજિંગને મૂળભૂત સિદ્ધાંતોથી ફરી બનાવ્યું છે. માનવ પ્રગતિના આગલા યુગને ઘડનારી કંપનીઓ તેના પર ચાલશે. મહાન કંપનીઓની આગલી પેઢી વિચારશે કે આના વિના લોકો કામ કેવી રીતે કરતા હતા.

AI એટલું જ શક્તિશાળી છે જેટલા તેનો ઉપયોગ કરનારા લોકો. એવા લોકો જેઓ તેનો ઉપયોગ કરીને પોતાનું કામ બીજા કોઈ કરતાં વધુ સારું, ઝડપી અને મોટા પાયે કરે છે. Sila આ જ વિશ્વાસ પર બનેલું છે. Sila તેમના માટે જ બનેલું છે. અમે AI ને ત્યાં મૂકીએ છીએ જ્યાં ખરેખર કામ થાય છે, વાતચીતોની અંદર, નિર્ણયોમાં, એ ક્ષણોમાં જે કંપનીઓને આગળ ધપાવે છે. એવા ફીચર તરીકે નહીં જેને તમારે શોધવું પડે. પણ એવી વસ્તુ તરીકે જે પહેલેથી ત્યાં છે, પહેલેથી કામ કરી રહી છે, જ્યારે પણ તમારી ટીમ સહજ રીતે વાતચીત કરે છે. Sila તમારી કંપનીને સૌએ સાથે મળીને કામ કરવાની નવી રીત આપે છે.

AI એ બદલી નાખ્યું કે એક વ્યક્તિ શું કરી શકે. Sila બદલે છે કે આખી કંપની સાથે મળીને શું કરી શકે. માનવ પ્રગતિના દરેક યુગનું પોતાનું એક નિર્ણાયક ટૂલ રહ્યું છે. પાછળ વળીને જોતાં દરેક અનિવાર્ય લાગ્યું. આપણે અત્યારે એ જ ક્ષણમાં જીવી રહ્યા છીએ. કામ હવે આવું દેખાય છે, અને આવતીકાલની સૌથી મહાન કંપનીઓ આના પર જ ઊભી થશે.

Mith Paresh Patel
સહ-સ્થાપક અને CEO